Naweek 😜

Vrydag aand heerlike pizza en movie(Happy feet 😄) saam Annebell en toe slegte nuus ontvang dat my sussie hulle in ñ ongeluk was en sy haar vriendin en liefde van haar lewe verloor het! So Saterdag was maar hartseer en glad nie lekker nie! Was toe maar gou Ikea toe – so lekker dat dit net oorkant die pad is 😜 en verder maar net rustig by die huis.

Sondag: Ons het besluit om Vineyard Internasionale kerk te gaan besoek en moes 45 min stap tot daar – die stap was vir my so lekker, doodstil gewees en die hele pad hoor jy net voëltjies sing. Hier is ñ paar fotos van die pad soontoe:

By die deur het Amoré ons verwelkom en toe voorgestel aan haar man – wat oorspronklik van Pietersburg af is maar al in 1996 saam sy ouers hierheen geimmigreer het.

Ek was toe agter by Annebell in die Nursery groep wat kinders 0-3 vat, ek kon haar daar los maar wou nie 😄 Sybrand het toe alleen die diens bygewoon 😄 en daar ontmoet ek toe vir Marilize van SA en sy is ñ tandarts, ook sommer haar nommer gekry, het ook vir Tanya(arbeidsterapeut) en Grant(tandarts) ook van SA ontmoet, sulke vriendike mense! Sommer dadelik tuis gevoel.

Op pad terug het ons ñ ander padjie gevat en by Coop ñ inkopie winkel gestop en paar goedjies gekry onder andere Sunlight seep(wit en nie groen soos ek gewoont is nie 😁 hoop dit werk dieselfde). Dit was oor middagete en ek en Sybrand is toe honger so kry toe maar die volgende:

😄 Heerlike kaas “bun” met skyfies op!
Die res van die Sondag middag was weer net rustig voor Sybrand se dol week weer begin 😉